![](kalendar_new/det_kal_imgs/00-00.jpg)
Святая праведная Тавифа (I), женщина добродетельная и милосердная, принадлежала к христианской общине в Иоппии. Случилось так, что она, тяжело заболев, умерла. В то время недалеко от Иоппии, в Лидде, проповедовал святой апостол Петр. К нему были посланы гонцы с убедительной просьбой о помощи. Когда апостол пришел в Иоппию, праведная Тавифа была уже мертва. Преклонив колена, первоверховный апостол сотворил горячую молитву ко Господу. Затем подошел к одру и воззвал: «Тавифа, встань!» Она поднялась совершенно здоровой (Деян. 9:36).
Тропарь Тавифе
глас 4
Днесь вера Христова утверждается камнем веры, /
и ликовствует в веселии Иоппия, /
псаломски славословят Жизнодавца Сына Божия вернии, /
видяще совершаемо велие чудо: /
первоверховный апостол глаголет, /
и умершая востает от гроба, /
юже Низложитель смерти дарует Церкви, /
да украшаются во образ ея добродетельми люди. /
Приидите убо, христиане, /
принесем ко святей моления наша: /
блаженная Тавифо и милосердная, /
вознеси наша воздыхания Пресвятей Троице /
и молися со дерзновением, /
да сынове Света Превечнаго будем, /
да сподобимся Божия милости, /
да пребываем в любви Божественней, /
и да царствует мир во вселенней.
Кондак праведной Тавифе
глас 4
Ужасахуся Иоппийстии людие, и дивляхуся ангели Божии, егда Исцеливый Еннея воззва от мертвых серну нарицаемую, милосердием преукрашенную, о нейже к Нему взываху вдовицы неимущия. И ныне, Тавифо блаженная, услыши молитвы наша, к тебе приносимыя, и испроси у всяческих благ Подателя милости и щедроты верным Его, да блажаще тя, вопием ти: радуйся, добродетели нас научающая.